Кафедра техникалық және ауыл шаруашылығы ғылымдары саласында жоғары білікті мамандар даярлауды жүзеге асырады. Кафедра оқу жоспарлары мен бағдарламаларын, материалдық-техникалық базасын, білім беру процесін екі тілде-қазақ және орыс тілдерінде оқу және оқу – әдістемелік материалдармен жетілдіреді.
«Аграрлық техника және көлік» кафедрасының оқу кабинеттері көрнекі ақпараттық стендтермен, әртүрлі макеттермен, қондырғылармен, белсенді стендтермен, жабдықтармен безендірілген.
Кафедраның оқу кабинеттері ғылыми-инновациялық қызметті дамытудың басым бағыттарына сәйкес стендтермен жабдықталған.
Оқу үрдісін ойдағыдай жүзеге асыру үшін жақсы материалдық база және оқу-әдістемелік қамтамасыз ету бар. Студенттердің қарамағында оқу зертханалары, интернетке қосылған компьютерлік сыныптар бар.
Сапалы оқу үдерісін қамтамасыз ету үшін тиісті жабдықтар бар,оқу зертханаларында орналасқан: «Астық жинаудан кейінгі өңдеу», «Мотор жөндеу», «Егіс және егіс машиналары», «Мал шаруашылығын механикаландыру», «Тракторлар мен автомобильдердің гидравликалық жүйелері», «Автомобильдер мен тракторлардың қозғалтқыштарын сынау», «Жанар-жағармай».
«Жанар-жағармай және техникалық сұйықтықтар» пәні бойынша сабақтар жанар-жағармай материалдарының және әртүрлі техникалық сұйықтықтардың сапасын зерттеуге арналған арнайы аспаптармен жабдықталған мамандандырылған зертханада өткізіледі.